Wafanyakazi wa Kamisheni ya Utumishi wa umma wametakiwa kuongeza kasi ya uwajibikaji na ufanisi hasa katika suala zima la kufanya ukaguzi na uchunguzi katika Taasisi za umma.
Kauli hiyo imetolewa na mkuu wa Divisheni ya Ukaguzi Kutoka Kamisheni hiyo Nd, Rehama N. Khamis, wakati akitoa mada ya Muongozo wa Ukaguzi katika mafunzo ya ndani kwa watendaji wa Afisi kuu ya Kamisheni yaliyofanyika Mwanakwerekwe, tarehe 7 Agost,2024.
Amesemamafunzo hayo yatasaidia wakaguzi na wadau wa ukaguzi kupata uelewa na kurahisisha utekelezaji wa zoezi la Ukaguzi kwa kuzingatia Sheria, Kanuni na muongozo huo ili kufanikisha kazi ya ukaguzi
Amefahamisha kuwa Lengo kuu la Uchunguzi na Ukaguzi ni kutathmini kwa kiwango gani Mamlaka za Ajira, Nidhamu na Waajiri wanazingatia Sera, Sheria, Kanuni na taratibu za usimamizi wa rasilimaliwatu
Amefahamisha kuwa kazi ya ukaguzi wa rasilimali watu ina umuhimu mkubwa kwani ina lengo la Kutathmini hali ya uzingatiaji wa Sheria, Kanuni, Taratibu na Miongozo Pamoja na Kuonesha mafanikio na mapungufu katika kusimamia Rasilimali watu katika Utumishi wa Umma.
Hivyo amesema ni jukumu la Mamlaka za Ajira, Mamlaka za Nidhamu na Waajiri Kutoa vielelezo vinavyotakiwa na Timu ya Uchunguzi na Ukaguzi Pamoja na Kumuandaa Afisa atakayesaidia Timu ya Uchunguzi na Ukaguzi kutoka Kamisheni ya utumishi wa umma ili kufanikisha kazi hiyo ya Ukaguzi.
Pia ni muhimu Mamlaka hizo Kuwapa taarifa watumishi watakaohitajika kuhojiwa na muda watakaotakiwa kwa kazi ya Ukaguzi na Kuhakikisha usalama wa Wakaguzi kwa muda wote katika eneo la ukaguzi.
Naye Afisa utumishi kutoka Kamisheni hiyo Bw. Ame J. Khatibu, Akiwasilisha mada kuhusu Mkataba wa utoaji huduma kwa umma amesema katika uongozi wa kisasa huduma zinatakiwa kutolewa kwa haraka na kwa ufanisi kwa mujibu wa mkataba huo.
Amefahamisha kuwa Lengo la mkataba huo wa huduma kwa umma ni kutoa muongozo kwa wataka huduma na wadau wengine katika kutoa huduma za Kamisheni na kujenga ushirikiano katika kazi kwa ajili ya kutoa huduma bora.
Ameongeza kuwa wataka huduma hao wanapaswa kuelewa huduma hizo zitatolewa kwa namna gani na muda wa kutolewa huduma wanazozihitaji.
Aidha amesema kwa mujibu wa mamlaka iliyopewa Kamisheni hiyo ni kuwa, Tume za Utumishi, Wizara na Taasisi zote za SMZ, Mashirika ya umma wakala Tendaji na wananchi kwa ujumla ni wataka huduma wao.
